Londonda həmyerlimizin rəhbərlik etdiyi şirkət “İlin hüquq şirkəti” seçilib

, 2022
Londonda həmyerlimizin rəhbərlik etdiyi şirkət “İlin hüquq şirkəti” seçilib

“BM Morrison Partners” beynəlxalq hüquq firmasının London nümayəndəliyi “İlin hüquq şirkəti” adına layiq görülüb.

Bu mükafat tanınmış azərbaycanlı hüquqşünas Fərhad Mirzəyevin rəhbərlik etdiyi şirkətə “Complex Cross Border Transactions” nominasiyası üzrə təqdim edilib.

Qeyd edək ki, xarici dövlətlərdə (Böyük Britaniya, BƏƏ və Rusiya) nümayəndəlikləri olan ilk və yeganə Azərbaycan hüquq şirkəti olan “BM Morrison Partners” 1992-ci ildə təsis edilib. Geniş profilli şirkət hüququn bütün sahələri üzrə böyük təcrübəyə malikdir.

Fərhad Mirzəyev “BM Morrison Partners” şirkətində 20 ildir çalışır. Onun adı Azərbaycanın aparıcı hüquqşünasları sırasında “Chambers Global”, “Legal 500” və “IFLR 1000” kimi nüfuzlu beynəlxalq hüquqi nəşrlərdə qeyd olunub. Həmyerlimiz

“ən mürəkkəb məsələləri həll etməyə qadir şəxs” imicinə malikdir.

Fərhad Mirzəyevin təşəbbüsü və iştirakı ilə Britaniyadan olan beynəlxalq hüquqşünaslar İkinci Qarabağ müharibəsi dövründə Ermənistan silahlı qüvvələri tərəfindən Azərbaycanın müxtəlif yaşayış məntəqələrində dinc əhaliyə qarşı törədilən hərbi cinayətlərlə bağlı müstəqil hesabat hazırlayıblar. Hesabatda Gəncə də daxil olmaqla ölkəmizin müxtəlif şəhərlərində dinc əhaliyə qarşı edilən hücumlara, işğal dövründə Füzuli rayonunda törədilən əməllərə beynəlxalq hüquq nöqteyi-nəzərindən qiymət verilib. Bu hesabat Ermənistanda böyük narahatlıqla qarşılanıb.

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/londonda-hemyerlimizin-rehberlik-etdiyi-sirket-ilin-huquq-sirketi-secilib-1595