Мемлекет басшысы Жамбыл облысының әкімі Нұржан Нұржігітовті қабылдады

Толығырақ: https://t.co/B3CUeWmsEr pic.twitter.com/Gea5cCTl5Z

— President Kassym-Jomart Tokayev’s Press Office (@AkordaPress) April 12, 2022

Жаңалықтар
Ақорда
Мемлекет басшысы Жамбыл облысының әкімі Нұржан Нұржігітовті қабылдады

Қасым-Жомарт Тоқаевқа биылғы үш айдағы өңірдің даму көрсеткіштері мен Президент тапсырмаларының орындалу барысы және алдағы жоспары туралы баяндалды.

Облыс әкімінің айтуынша, өңірге тартылған инвестиция көлемі 63,1 миллиард теңгеге жеткен. Сонымен қатар, биыл өңірде құны 100,5 миллиард теңге болатын 15 инвестициялық жоба іске асырылып, 1000-нан астам жұмыс орны ашылады деп жоспарланып отыр. 2025 жылға дейін 75 инвестициялық жоба жүзеге асырылады.

Нұржан Нұржігітов Мемлекет басшысына 2022 жылы Жамбыл облысында 810 мың шаршы метр тұрғын үй салынып, 25 елді мекенге ауызсу, 17 ауылға газ тартылатыны жөнінде мәлімет берді. Сонымен қатар өңірдегі егіс алқабы 9,2 мың гектарға ұлғайтылып, ауыл шаруашылығы техникасы 11 пайызға жаңартылатынын айтты. Өңір басшысының айтуынша, Президент тапсырмасына сәйкес әлеуметтік маңызы бар тауарлардың бағасын тұрақтандыру жұмыстары жүйелі түрде атқарылып жатыр. Сондай-ақ Гвардейск ауылындағы Биологиялық қауіпсіздік проблемалары жөніндегі ғылыми-зерттеу институтының базасында отандық иммундық препараттар шығаратын зауыттың жұмысы, «BSL-3» өндірістік цехының құрылысы жөнінде де есеп берілді.

Мемлекет басшысы бағаны бақылауда ұстау, халықтың табысын арттыру, инвестиция тарту және мемлекеттік бағдарламаларды тиімді жүзеге асыру жұмыстарын жандандыру жөнінде нақты тапсырмалар берді.

Кері қайту Кері қайту

kaynak:https://akorda.kz/kz/memleket-basshysy-zhambyl-oblysynyn-akimi-nurzhan-nurzhigitovti-kabyldady-123744

Мемлекет басшысы Жамбыл облысының әкімі Нұржан Нұржігітовті қабылдады

Толығырақ: https://t.co/B3CUeWmsEr pic.twitter.com/Gea5cCTl5Z

— President Kassym-Jomart Tokayev’s Press Office (@AkordaPress) April 12, 2022